Kulanka Dowladda KMG ah iyo Maamulka Somaliland
Somali Map
Kulanka Dowladda KMG ah iyo Maamulka Somaliland
Kulan laba maalmood socday ayaa la filayey in uu soo gaba-gaboobo maanta oo 21ka Juun ahayd. Wuxuu dhex marayey laba ergo oo min 5 xubnood ka kooban oo ka kala socotay Dawladda TFG-da iyo Maamulka Somaliland oo 1991dii ku dhawaaqay in ay ka go’een dalka Soomaaliya intiisa kale.Dawaladda Britain ayaa martigelisay kulanka Somaliland iyo Madaxda TFG-da oo ka dhacay Aqalka ‘Chevering House‘. Ergooyinka ka qaybgelaya, dhinaca TFG-da waxaa hoggaaminaya Wasiirka Gudaha iyo Amniga Qaranka Cabdisamad Macalin Maxamuud. Dhinaca Somaliland waxaa hoggaaminaya Maxamed Cabdullaahi Cumar, Wasiirka Arrimaha Dibedda.
Saraakiil ka tirsan dawlada Britain ayaa ka qeybqaadanayey fududeynta kulanka u bilowday DKMG ah ee Soomaaliya iyo maamulka Somaliland, waxaana la filayaa in kulankaani hordhac u noqdo kulammo kale oo la isugu yimaado, iyadoo la hadal hayo in uu magaalada Dubai ka dhici doono kulan dhexmara Siilaanyo iyo Sheekh Shariif.
Geesta kale, shirkan Britain ka dhacayey mooyee, waxaa maagalada Nairobi, iyagana shir loogu qabtay xubnihii Saxiixayaasha Roadmapka, oo kala ahaa Sheekh Shariif, Ra’iisal Wasaare Cabdiweli, Afhayeenkii Baarlamaanka Shariif Xasan, Madaxweynaha Puntland Cabdiraxmaan Faroole, Madaxweynaha Galmudug Col Caalim iyo Ururka Ehlu Sunna Wa Jamaca. Labadaas shir ee loogu kala qabtay England iyo Nairobi, hubaal Soomaalida waa ku filan tahay in ay ogaato heerka ay joogto!.
Email to a friend
Print version
Plain text
