50 Muhaajiriin Soomaali & Itoobiyan ah oo si ulakac ah loogu harqiyay badda Yaman


London (Kasmo), Ugu yaraan 50 dhallinyaro ah oo u dhashay Soomaaliya iyo Itoobiya ayaa dhintay ka dib markii si ulakac ah loogu daadiyay  badda Yaman saaka aroorti, sidaasna waxaa xaqiijinaya Ururka Caalamiga ah, IMO (International Organization for Migration) ee Muhaajiriinta.

Dadkaas ayaa la sheegay in ninkii waday oo ka mid ahaa dadka wax ku tahriibiya doonyahay uu ku khasbay in ay badda isku daadiyaan ka dib markii uu sheedda ka arkay markab ay leedahay ilaalada xeebaha Yaman.

Shaqaalaha IMO ayaa helay maydadka 29 qof oo Afrikaan ah oo lagu aasay xeebta Yaman ee Gobolka Shabwa ee kulaala Gacanka Cadmeed; qaar ka mid ah dadkii  badbaadayna waxay sheegeen in tahriibiyihii  dib ugu laabtay Soomaaliya, si uu dad kale u soo daadgureeyo, iyada oo laga faa’ideysanayo qaska ka socda dalka Yaman.

Afhayeen IOM uga hadashay Xarunta Geneva,  Olivia Headon,  ayaa sheegtay in dadka masiibadu ku dhacday ahaayeen dhammaantood dhallinyaro,  da’duuna isku celcein ahaan ahayd 16 sano, intii ka badbaadday ayaa sheegtay in  22 kale la la’yahay wali.

Kasmo Online

Post Comment